Қазақстан Республикасының Конституциясы күнімен!
30 тамыз — еліміздің шежіресіндегі айрықша күн. Бұл күні біз 1995 жылы бүкілхалықтық референдумда қабылданған Қазақстан Республикасының Негізгі Заңын ұлықтаймыз. Ол тәуелсіз мемлекеттің берік іргетасына, халық бірлігінің нышанына және адам құқықтары мен бостандықтарының мызғымас кепіліне айналды.
Конституция — жай ғана құқықтық нормалар жиынтығы емес. Бұл — халықтың әділетке, бейбітшілік пен келісімге ұмтылысының көрінісі. Ол Қазақстанның құқықтық, демократиялық және әлеуметтік мемлекет ретінде дамуының жолын айқындап, заң үстемдігін бұлжымас қағида етіп бекітеді.
Адвокаттар қауымдастығы үшін бұл күннің мәні ерекше. Біз күн сайын азаматтардың құқықтары мен заңды мүдделерін қорғауда, әділеттілікті орнықтыруда және сот төрелігіне деген сенімді нығайтуда конституциялық құндылықтарға сүйенеміз.
Алматы қалалық адвокаттар алқасы әріптестерін және барша қазақстандықтарды Конституция күнімен шын жүректен құттықтайды!
Негізгі Заң әр азамат үшін сенімді қалқан болып, оның қағидаттары еліміздің бейбітшілігі мен келісімінің, өркендеуінің берік негізіне айнала берсін.
Мерекелеріңізбен!