Гуандун провинциясынан келген делегацияның сапары
2025 жылғы 20 мамырда Алматы қаласында Қытай Халық Республикасының Гуандун провинциясының Әділет департаменті өкілдерінің Алматы қалалық адвокаттар алқасының басшылығымен ресми кездесуі өтті.
Қытай делегациясының құрамында Әділет департаменті бас директорының орынбасары Чжэн Лян, Департамент Хатшылығының директоры Яосян Ло, Гуандун адвокаттар қауымдастығының вице-президенті Ялин Би және Сыртқы құқықтық қатынастар басқармасы басшысының орынбасары Фан Ян болды. Делегацияның сапарының мақсаты – адвокатура және құқықтық білім беру саласындағы тәжірибе алмасу мен ынтымақтастықты нығайту.
Қонақтар Қазақстандағы адвокаттық жүйенің құрылымына ерекше қызығушылық танытты, атап айтқанда:
— адвокаттар алқасы қалай құрылады;
— адвокат болу құқығы кімге тиесілі;
— мүшелікке қабылдану тәртібі мен жарналар қандай;
— біліктілікті арттыру қалай жүзеге асырылады.
Делегацияны қарсы алу барысында Алматы қалалық адвокаттар алқасының Президиум Төрайымы Н.М. Неясова құттықтау сөз сөйлеп, Қазақстан Республикасындағы адвокатураның рөлі мен міндеттері, сондай-ақ оның жұмыс істеу қағидаттары туралы баяндады.
Президиум төрайымының орынбасары және Адвокаттардың тағылымдамасы мен біліктілігін арттыру орталығының жетекшісі Гүлнар Бакирқызы орталықтың қызметі туралы толыққанды ақпарат берді: тағылымдамадан өту тәртібі, біліктілік емтиханын тапсыру рәсімі және тәжірибелі адвокаттардың біліктілігін арттыру жүйесі.
Кездесуге сондай-ақ АГКА адвокаттары Жазылбеков Н., Рахимбердина А., Қаймақов А. және Бахтиярқызы А. қатысты.
Сапар ашықтық, кәсібилік және өзара қызығушылық жағдайында өтті.
Бұл кездесу Қазақстан мен Қытайдың заңгерлік қауымдастықтары арасындағы жемісті диалог пен ұзақ мерзімді әріптестіктің бастауы болады деп сенеміз.